1ܒܲܣ ܙܵܕܥܵܚ؛ ܠܵܐ ܗܘܹܐ ܕܟܲܕ ܦܝܵܫܵܐ ܝܠܹܗ ܩܵܘܠܵܐ ܕܐܘܵܪܬܵܐ ܠܢܝܵܚܬܹܗ؛ ܦܵܝܸܫ ܚܸܙܝܵܐ ܐ݇ܢܵܫܵܐ ܡܸܢܵܘܟܼܘܿܢ ܕܦܵܝܸܫ ܡ̣ܢ ܠܐܹܘܵܪܵܐ. 2ܣܵܒܵܒ ܐܘܼܦ ܐܲܚܢܲܢ ܦܸܫܠܲܢ ܡܘܼܫܚܸܕܹܐ ܐܲܝܟܼ ܕܐܘܼܦ ܐܵܢܝܼ؛ ܐܸܠܵܐ ܠܵܐ ܥܒܼܸܕܠܵܗ̇ ܦܲܝܕܵܐ ܐܸܠܵܝܗܝ ܗܹܡܸܙܡܵܢ ܕܫܡܸܥܠܗَܘܿܢ؛ ܣܵܒܵܒ ܠܹܐ ܗ݇ܘܵܐ ܡܙܝܼܓܼܬܵܐ ܒܗܲܝܡܵܢܘܼܬܵܐ ܒܐܵܢܝܼ ܕܫܸܡܥܝܵܠܘܿܢ. 3ܣܵܒܵܒ ܒܸܥܒܼܵܪܵܐ ܝܼܵܘܚ ܠܗ̇ܝ ܢܝܵܚܬܵܐ؛ ܐܲܚܢܲܢ ܐܵܢܝܼ ܕܗܘܼܡܸܢܲܢ؛ ܕܵܐܟܼܝܼ ܕܐَܡܝܼܪܹܗ؛ ܐܲܝܟܼ ܕܝܡܹܠܝܼ ܒܟܲܪܒܝܼ؛ ܐܸܢ ܐܵܘܪܝܼ ܠܢܝܵܚܬܝܼ؛ ܐܵܦܸܢ ܕܦܘܼܠܚܵܢܘܼ̈ܗܝ ܡ̣ܢ ܫܲܬܸܐܣܬܵܐ ܕܥܵܠܡܵܐ ܦܸܫܠܗَܘܿܢ ܥܒܼܝܼܕܹܐ. 4ܣܵܒܵܒ ܕܒܚܲܕَ ܕܘܼܟܵܐ ܐَܡܝܼܪܹܗ ܗܲܕܟܼܵܐ ܥܲܠ ܫܲܒܬܵܐ؛ ܕܢܸܚܠܹܐ ܐܲܠܵܗܵܐ ܒܝܵܘܡܵܐ ܕܫܲܒܼܥܵܐ ܡ̣ܢ ܟܠܵܝܗܝ ܦܘܼܠܚܵܢܘܼ̈ܗܝ؛ 5ܘܠܲܐܟܼܵܐ ܡܸܢَܕܪܸܫَ؛ ܐܸܢ ܐܵܘܪܝܼ ܠܢܝܵܚܬܝܼ. 6ܒܲܣ ܣܵܒܵܒ ܕܦܝܵܫܵܐ ܝَܠܵܗ̇ ܕܚܲܕَܟܡܵܐ ܐ݇ܢܵܫܹ̈ܐ ܐܵܘܪܝܼ ܓܵܘܵܗ̇؛ ܘܐܵܢܝܼ ܕܦܸܫܠܗَܘܿܢ ܡܘܼܫܚܸܕܹܐ ܩܵܕ݇ܡܵܝܬܵܐ ܠܵܐ ܥܒܼܸܪܘܿܢ ܣܵܒܵܒ ܕܠܵܐ ܡܘܼܨܝܸܬܠܘܿܢ؛ 7ܡܸܢَܕܪܸܫَ ܝܵܘܡܵܐ ܐَܚܹܪَܢܵܐ ܡܲܬܘܼܒܼܹ̈ܐ ܝܠܹܗ؛ ܟܲܕ ܒܹܐܡܵܪܵܐ ܝܠܹܗ ܒܕܵܘܝܼܕ؛ ܐܸܕܝܘܿ؛ ܡܒܵܬ݇ܪ ܚܲܕَ ܗܲܕܟܼܵܐ ܙܲܒܼܢܵܐ؛ ܐܲܝܟܼ ܕܐَܡܝܼܪܵܐ ܝܠܹܗ ܒܩܵܕ݇ܡܵܝܬܵܐ؛ ܐܸܕܝܘܿ ܐܸܢ ܒܩܵܠܹܗ ܫܲܡܥܝܼܬܘܿܢ؛ ܠܵܐ ܡܲܩܫܝܼܬܘܿܢ ܠܸܒܵܘܵܬܵܘ̈ܟܼܘܿܢ. 8ܣܵܒܵܒ ܐܸܢ ܝܼܫܘܿܥ ܡܘܼܢܝܸܚܵܝ ܗ݇ܘܵܐ؛ ܠܹܐ ܐܵܡܸܪ ܗ݇ܘܵܐ ܒܵܬ݇ܪ ܗܵܕܵܐ ܒܵܗ݇ܣ ܕܝܵܘܡܵܐ ܐَܚܹܪَܢܵܐ. 9ܒܲܣ ܦܝܵܫܵܐ ܝَܠܵܗ̇ ܢܝܵܚܬܵܐ ܕܫܲܒܲܬ ܠܛܵܝܸܦܹܗ ܕܐܲܠܵܗܵܐ. 10ܣܵܒܵܒ ܗ̇ܘ ܕܥܒܼܸܪܹܗ ܠܢܝܵܚܬܹܗ ܢܸܚܠܹܐ ܐܘܼܦ ܗ̇ܘ ܡ̣ܢ ܦܘܼܠܚܵܢܘܼ̈ܗܝ؛ ܐܲܝܟܼ ܕܐܲܠܵܗܵܐ ܡ̣ܢ ܕܝܼܹܗ. 11ܒܲܣ ܚܵܒܛܵܚ ܕܐܵܘܪܵܚ ܠܗ̇ܝ ܢܝܵܚܬܵܐ؛ ܕܐ݇ܢܵܫܵܐ ܠܵܐ ܢܵܦܸܠ ܗܲܪ ܒܗ̇ܝ ܕܡܘܼܬܵܐ ܕܠܵܐ ܡܲܨܝܲܬܬܵܐ. 12ܣܵܒܵܒ ܚܵܝܬܵܐ ܝَܠܵܗ̇ ܗܹܡܸܙܡܵܢ ܕܐܲܠܵܗܵܐ؛ ܘܦܵܠܚܵܢܬܵܐ؛ ܘܚܵܪܝܼܦܬܵܐ ܝَܠܵܗ̇ ܡ̣ܢ ܟܠ ܣܲܝܦܵܐ ܕܬܪ̈ܲܝ ܦܘܼܡܵܢܹ̈ܐ؛ ܘܟܹܐ ܐܵܘܪܵܐ ܗܲܠ ܦܪܵܫܬܵܐ ܕܓܵܢܵܐ ܘܕܪܘܼܚܵܐ؛ ܕܓܲܝܹ̈ܐ ܘܕܡܘܼܚܵܐ؛ ܘܟܹܐ ܕܵܝܢܵܐ ܚܘܼܫܵܒܹ̈ܐ ܘܚܝܼܵܠܹ̈ܐ ܕܠܸܒܵܐ. 13ܘܠܲܝܬ ܒܪܝܼܬܵܐ ܕܛܵܫܝܵܐ ܡ̣ܢ ܩܵܕ݇ܡܘܼܗܝ؛ ܐܸܠܵܐ ܟܠ ܡܸܢܕܝܼ ܫܘܼܠܚܵܝܵܐ ܝܠܹܗ ܘܓܸܠܝܵܐ ܩܵܕ݇ܡ ܥܲܝܢܘܼ̈ܗܝ؛ ܕܐܸܠܹܗ ܒܝܼܵܗ݇ܒܼܵܐ ܝܘܵܚ ܓ̰ܘܼܘܵܒ. 14ܒܲܣ ܣܵܒܵܒ ܕܐܝܼܬ ܠܲܢ ܓܘܼܪܵܐ ܕܟܵܗܢܹ̈ܐ ܓܘܼܪܵܐ؛ ܝܼܫܘܿܥ ܒܪܘܼܢܹܗ ܕܐܲܠܵܗܵܐ؛ ܕܥܒܼܝܼܪܵܐ ܝܠܹܗ ܠܫܡܲܝܵܐ؛ ܚܵܡܠܵܚ ܒܡܵܘܕܵܝܬܲܢ. 15ܣܵܒܵܒ ܠܲܝܬ ܠܲܢ ܓܘܼܪܵܐ ܕܟܵܗܢܹ̈ܐ ܕܠܹܐ ܡܵܨܹܐ ܕܫܵܪܸܟ ܒܚܲܫܵܐ ܥܲܡ ܙܲܒܘܼܢܘܼܬܲܢ؛ ܐܸܠܵܐ ܕܓ̰ܘܼܪܒܵܐ ܗ݇ܘܵܐ ܒܟܠ ܡܸܢܕܝܼ ܐܲܝܟܼ ܕܝܼܲܢ؛ ܕܠܵܐ ܚܛܝܼܬܵܐ. 16ܒܲܣ ܐܵܬܵܚ ܩܘܼܪܒܵܐ ܒܚܘܵܪܦܵܬܘܼܬܵܐ ܠܟܘܼܪܣܝܵܐ ܕܫܵܦܵܩܲܬܹܗ؛ ܕܩܵܒ݁ܠܵܚ ܪ̈ܚܡܹܐ؛ ܘܡܵܫَܟ̰ܚܵܚ ܫܵܦܵܩܲܬ ܠܗܝܼܵܪܝܼ ܒܙܲܒܼܢܵܐ ܠܵܙܸܡ.